قصة ﺇﻳﻤﺎﻥ ﻭﻛﺤﻞ ﺍﻟﻌفطة
قصة إيمان وكحل العفطة
الجزء 1
أنا إيمان عندي 23 عام كنقرى فالجامعة وقربت نتخرج عندي صحباتي بزاف و علاقتي بيهم مزيانة و لكن بعد المرات كنبغي نبقى بحدي كنهز الطونوبيل ونمشي و ندور و نمشي نتفرج فأفلام بوحدي هادشي مكعنيش أني حزينة و وحيدة بلعكس مرتاحة فحياتي الحمد لله .
واحد النهار كيف عادتي خرجت مشيت تفرجت فواحد الفيلم ف سينما و مشيت لواحد القهوة حدا البحر بقيت جالسة و كنخربق فتلفون ديالي عيطات ليا صاحبتي ونضت خرجت من القهوة غي باش نهدر فالتلفون و نرجع منين رجعت لقيت واحد الواحد غادي يجلس فبلاصتي مردش البال للصاك لي حاطة فالكرسي لاخر قستو فضهرو قتلو سمح لي راه بلاصتي هادي دار عندي قالي آه سمحيلي وبقا كيشوف فيا تبسمت فوجهو و جلست و هو مشى للبلاصة أخرى و بحالة تقابل معايا كيشوف فيا بنص عين و أنا درت نظاضري و حطيت راسي منين جلس وهو كيهدر فالتلفون كان فالول كيهدر غي على الخدمة يمكن شوية قلبها ألو غزلان ألو منال ألو سارة ألو شيري ألو ma belle صافي فهمت هو أشمن نوع بلاتي بعدا نوصفو ليكم باش تعرفو بعدا علامن كنهدر عنداكم تدوخو
<><>
الجزء 2
واخا مشفتش فيه مزيان ولكن بان ليا من النوع لي عاطي لعين باقي شاب الطولة والتجريدة ولابس مزيان بيض و داير شوية ديال اللحية غي زواق حروفو شهبين شوية مهيم منين سمعتو كيهدر فالتلفون محملتوش وبان ليا بيلا هو من النوع لي مكيخلي حتى وحدة وكل نهار خارج مع وحدة و حاااااااس براسو مهيم معلينا أنا مبقيتش تسوقت ليه صافي نضت بحالي و رجعت بحالي للدار و بالمناسبة أنا كنسكن فمدينة و الجامعة فمدينة و فين كنمشي ندور و نمشي سينما مدينة أخرى و كلهم قراب لبعضهم مهيم دازت جوج سيمانات خرجت أنا و صحباتي مشينا للسينما و من بعد مشينا لنفس القهوة جالسين كنضحكو حتى كحل العفطى ديال هاديك المرة جا داخل عوتاني غي دخل لاح عينو فيا أنا قلبت وجهي صراحة معجبنيش و محملتوش وهو محطش عينو عليا و أنا كنحصلو غي بنص عين جينا غادين ناض حتى هو و تصادفت أنا وياه فالخرجة ديال القهوة قالي تفضلي نتي الولة قتلو لا غي تفضل معاودهاش معايا خرج ركب فطونوبيلتو وزاد زدت كرهتو كتر منين دار هاكاك فباب القهوة زعما كاع هادشي عياقة معلينا متسوقتش وزدنا دازت شي يوماين ورجعت باش نتفرج فواحد الفيلم حيت أنا من عشاق الأفلام قبل مندوز السينما دزت لهاديك القهوة باش نسول على واحد شارجور نسيتو تما و أنا داخلة بان ليا هز راسو و حطو وعاود هز راسو باش يتأكد تصدم أنا جاتني الضحكة من هديك الطريقة باش دارها حطيت راسي و حبست الضحكة مشيت خديت الشارجور وخرت غي خرجت ركبت فالطونوبيل بان ليا حتى هو خرج مزروب و ركب فطونوبيلتو غي أنا زدت بان ليا حتى هو زاد ورايا شنو زعما غادي يتبعني ؟ سيد والله إيلا تابعني وطريق عامرة و شحال وهو غادي ورايا شوية مبقاش بان ليا ورايا وقفنا ف الستوب بقيت كنشوف فالمرايات والو مبانش أنا كلي درت وكنحنزز والو مبانش جيت ندور وجهي على ليسر ديالي من الشرجم وهو يبانلي واقف جنبي وكيشوف وكيضحاك زعما راه عاق بيا بيلا كنقلب عليه تزنكت ومحملتش راسي خنزرت فيه ودورت وجهي وهو غي شعل الضو الخضر عفط عفطة وحدة وزاد نياشان بالحق أنا درت وقلت صافي تهنيت منو مشيت حطيت الطونبيل ودخلت السينما غادا و كندو بجبنابي زعمة ليكون تبعني يخ هادا مالو دار فيا هاد الحالة صافي متسوقتش ومشيت دخلت للقاعة لي فيها الفيلم يتبع
<><>
الجزء 3
دخلت جلست كنتسنى الفيلم يبدى صونا التلفون ديالي خرجت كنجري باش نجاوب وأنا خارجة باش نجاوب وكنشوف فالتلفون يالله حليت الباب و أنا نتساطح مع شي حد و طيحت ليه (الفشار) لي كان هاز بديت كنقول أأأأاووووه سمح ليا عافاك و مع الظلام شوية هزيت راسي وأنا نلقاه كحل العفطة قالي لا لا ماشي مشكيل أويلي هادا مالو هاد النهار علاياش كيقبل خلاني حالى فمي ودخل أنا هدرت فالتلفون دخلت و جلست لا لا هادا كيقبل على خزيث ناض و تحول و جلس فالصف لي أنا جالسة فيه بيناتنا 6 ديال الكراسة الفيلم كامل و أنا كنفكر فهاد التخربيق قلت إيلا جا هدر معايا غادي ندور فيه سالا الفيلم هزيت صاكي دغيا وخرجت وأنا خارجة حتى حسيت بشي حد شد ليا فكتفي قلبي بدا كيضرب جيت ندور درت و أنا نلقاها واحد البنت جابت ليا واحد الشال كنت معلقاه فالصاك مع الزربة طاح ليا صافي عاد بردت كان كيسحابلي هو ل حت عيني ورايا و أنا نلقاه جاي حطيت راسي وزدت كنزرب ونقول مازربت وصلت لباب الطونوبيل و بديت عاوتاني بلا منحس كنقلب عليه كنت كنقلب غي بنص عيني حتى وليت كندو راسي هنا والهيه بحال الحمقة حتى بانليا من بعيد حال باب طونوبيلتو أو واقف وكيشوف فيا وكيضحااااااااك ويليييييي عاوتاني دارها بيا صافي فلبت وجهي دغيا وطلعت لطونوبيل وزدت وهاد المرة حلفت منقلب عليه صافي مشيت لدارنا دازت شي سيمانة صاحبتي لي ساكنة ديجا فهاديك المدينة لي فيها القهوة عيطات ليا قاتلي نتلاقاو وهاد المزغوبة ما بانت ليها غي هاديك القهوة قتليها لا شوفي غيرها قاتلي لا عفاك هاديك زوينة كتعجبني صافي قتليها واخنة إيلا قتليها لا غادي تبقى تقلي علاش ما علاش و أنا مفيا ليييي نعاود معلينا مشيت وصلت عيطة ليها قاتلي غي دخلي تسنايني أنا ربع ساعة نكون عندك إيوا جيت داخلة جيت داخلة وكندور فراسي بحال الحنش صكانيت القهوة كاملة صافي مكاينش مشيت جلست بقيت كنخربق فتليفوني شوية و أنا نسمع شي حد طالق هداك الفيديو ديال " اه لا كنت خدام يالاه عاد كونجيت إيهييي " محسيتش براسي حتى طلقت واحد الضحكة و بديت كنكركر بالضحك هزيت راسي باش نشوف شكون هادا لي طالقو ههه كحل العفطة عاوتاني كيشوف فيا و كيفيرنس أنا جمعت الضحكة و بديت كينح نح و حطيت راسي أويلي آش هاد الشوهة هادا وقتاش جا منين دخلت ماكانش يكما كان لداخل و مشفتوش مهيم وأنا فالوقت لي كنتسنى وجهي يرجنه ليه لونو وقفات صاحبتي قتليها يالله نبدلو القهوة قاتلي علاش قتليها غي يا لاه من بعد و نشرح ليك و حنا يالاه غادي نوضو بدينا كنسمعو شي غوات في القهوة يتبع
<><>
الجزء 4
شي حد كيتغاوات فالقهوة الداخل مع السرباي عطل عليه داكشي لي طلب أنا وصاحبتي جالسين كنتفرجو جتا بان ليا كحل العفطة ناض كيزرب مشا كيهدر مع هداك السيد و أنا نقول يخ على لصقة شغلو حاشي راسو صاحبتي قاتلي كتعرفيه قتليها لا غي كيبان ليا ديما هنا شوية كنسمع السرباي كيقول ل كحل العفطة والله الشاف إيلا هاني كنتسنا غي يوجدوا ليه داكشي لي بغا أويلي على الشاف زدت حليت ودني مزيااااان وأنا نسمع كحل العفطة كيقول للسيد سمح لينا أسيدي وغادي نعوضوك هاد شي لي طلبتي بلا متخلصو و كنعتاذرو قاليه هداك السيد أنا بغيت مول الشي كحل العفطة قالو أنا هو مول الشي و أنا نقول هاااااا خيار حكلو ديما نابت هنا صافي نضت أنا وصاحبتي قبل ميشوفني خرجنا بزربة الطونوبيل كنت حطاها بعيد حتى جيت نطلع ليها و أنا نزل وبقيت حاضية باب القهوة من بعيد صاحبتي طلعات و كتقولي وايالاه مالك قتليها غي صبري بقيت واقفة حاضية باب القهوة وكنفرنس تفرنيسة شريرة بقيت حاضية حاضية حتى بان ليا كحل العفطة خارج وكيقلب وكيلوح عينيه هنا ولهيه تلف ديااااال بصح حتى شافني وبديت كنضحااااااااك و ركبت فالطونوبيل بقا كيضحااااااك ودار لي بيديه زعما برافو هههه حيت رديت ليه التقوليبة لي كان كيقو لبني مشينت بدلنا القهوة وشرحت لصاحبتي كلشي بقات كتموت بالضحك و صافي قررت أني منعاودش نعتب باب هاديك القهوة وقررت باش نحيد هادشي من بالي و ستمريت فحياتي و نسيت هادشي ولكن مبغاش يتنسا ليا فيننما كنتفكر وكنبدى نضحك دازت شهرين على آخر مرة شفتو فيها واح النهار خارجة من باب لافاك وقف عليا واحد الولد وهاز مشموم الورد قالي نتي إيمان قتلو وي قالي تفضلي أو وقعي لي هنا عفاك أنا بقيت مصدومة وقعت قتلو من عندمن هادا قالي أنا خي كنوصل مكنعرفش من عندمن قتلو وباش عرفتيني بيلا أنا هي إيمان بقى كيفيرنس وزاد ومجاوبنيش أو هادا عطاوهم حتى تصويرتي كلشي بقا حاضيني ها لي كيصفق ها لي كيقولي سعداتك حسدناك هالي بغا نعطيهم منو وردة يخ مخلاوني كاع نفرح بيه على خاطري بقيت كنقلب و أنا نلقى ورقة مكتوب فيها توحشتك أول حاجة طاحت لي فبالي هو كحل العفطة تما فين بديت كندو راسي وكنقلب عليه وكنتسنى كيف ديما يديرها بيا و يبان لي كيضحك ولكن هاد المرة مبانش بقا فيا الحاااااااااال بزاف و بديت كنقول واش هو ولا لا و إيلا كان هو كيفاش عرفني كنقرى هنا 100 سؤال طاح ليا ف بالي
<><>
الجزء 5
مشيت للدار هديك الليلة منعستش بقيت ليل كامل كنفكر كيفاش و شكون أو واش هوا كحل العفطة ولا غي جاب ليا الله نمشي نسولو لا لا باسلة هاد القضية صافي قلت حتى يبان على خاطرو مشيت على غد ليه لا فاك دخلت للمدرج أنا لولة باش نقاد شي أمور حيت كان عندي واحد العرض و أنا نلقى فالسبورة مكتوب إيمان كنبغيك بديت كنمصحها دغيا الدنيا دارت بيا شكون هادا شكون واش كحل العفطة زعما كاع هاديك العياقة كلها وفيه هاد الرومانسية منظمش صافي حاولت نسا فنفس هداك الشهر كان عيد ميلادي ودرت حفلة صغيرة فالدار عرضت فيها على صحباتي وحنا كنحتافلو عيطت ليا ماما إيمان أجي أبنتي راه واحد الفاكتور بغاك التحت مشيت نزلت تصدمت آش هادشي ؟؟؟؟؟آش هادشي أسيدي نتي هي إيمان وي أنا هي أولا كنقوليك عيد ميلاد سعيد ثانيا وقعي ليا هنا هادي حلوة واش ممكن تخليهم يطلعوها قتلييه واخا و أنا مصدومة وحالة فمي و هاد الكادو إيلا جاك تقيل أنا نطلعو ليك وهادا مشموم الورد بقيت غي حالة فمي ههه و الواعرة كلهم ديرين تيشرتات مكتوب فيهم عيد ميلاد سعيد إيمان قتلييه أسيدي شكون قاليكيم ديرو كاع هدشي ومنين جبتو عنواني قاليا سمحي ليا حنا غي كنوصلو معندنا حتى شي معلومات صافي حطو داكشي و مشاو الحمد لله مكانش بابا أما كون دار ليا استنطاق ديال يامات الإستعمار ماما يالله بغات تبدى تسولني و أنا نقوليها ماما قصة طويلة يسالي هادشي و نعاود ليك كلشي صحباتي مفهمو والو الحلوة قدها قداش فين تبان قدام لي جبت أنا سالات الحفلة كلشي مشا جلست كنعاود لماما مفهماث والو هههههه مسكينة حدها قاتليا إيمان هادشي عجيب غريب عنداك أبنتي شي نهار يسرقك هادا لي كيدير هادشي بقيت كنضحك ههه قتليها ماما آش جاب الورد للسرقة دخلت لبيتي نشوفو هداك الكادو لقيت فيه نونوسات بزاف وقلوبا مكتوب فيهم إيمان أحسن ريحة كنبغي وااااايلي هادا كيفاش عرفها و شوكولا وايلي هادا باش عرفني كنحماق و كنتسطى على الشوكولا لا لا بزاف هادشي خصني نتأكد شكون هادا وقررت باش نمشي عندو القهوة على غد ليه نضت و مش
<><>
الجزء 6
نضت ومشيت ومع الطونوبيل كانت مغبرة لقيت مكتوب فيها إيمان والله حتى توحشتك وقفت مسحت بعدا هديك إيمان معلينا مشيت للقهوة دخلت و أنا مرتااااااابكة مبانش ليا كحل العفطة مشيت عند السرباي قتلييه سلام عفاك كاين كحل العفطة قاليا شكون ؟؟ ويلي آش قلت قتلو سمح ليا بغيت نقوليك الشاف ديالكم كاين قالي لا أختي راه مسافر هادي شي شهر خارج المغرب صدمنييييييييي قتلييه معرفتيش وقتاش يرجع قالي لا أختي معرفتش رجعي السيمانة الجايا سولي و إيلا كان عندك شي ميساج قوليه لينا نوصلوه ليه قتلو لا صافي شكرا تقلقث وبقا فيا الحاااااال بزاف ورجعت فحالي و كنقول واقيلة موحال هو هو راه مسافر كيفاش زعما كيوصي على هادشي من بعيد موحااااال صافي بقين كنتسنى سيمااااانة باش نرجع نسول ودازت سيمانة ومشيت باش نسول قبل منوصل للقهوة بشي شوية غادا فالطريق وهو يقيسني شي واحد الطونوبيل من اللور وقفت نزلت ضربة كانت خفيفا نزل بدا كيقولي سمحي ليا قتلو مالك مكتشوفش قالي صافي أنا نصاوبها ليك حنا عاد كنهدرو هداك الولد صونا عليه التيليفون مشا كيهدر فالتلفون ورجع قالي ختي صبري نتسناوا مول الطونوبيل حيت أنا غي مخليينها عندي ماشي ديالي قتلو شوف أنا راه مزروووووبة قالي غي صبري عفاك هاهو جاي ههه عرفتو شكون هو مول الطونوبيل ؟؟؟ كحل العفطة متخيلوش باش حسيت جاتني دوخا قلبي كيضرب رجلي فشلو عليا منين شفتو عاد عرفت راسي شحال توحشتو نزل من الطونوبيل ديالو و جا جاي و كيشوف فيا محطش عينيه شوية دارت ليا طن فراسي قلت هادشي غي بلعاني هو تعمد يدير ليا هاد الفيلم ديال الطونوبيل محدوا كيقررب محد قلبي غادي يسكت قرب عندي ومد ليا يديه باش يسلم مديت ليه يديا باش نسلم قالي لالة إيمان لاباس غير نطق بسميتي عرفت بيلا هو مول هادشي كااااااااامل وتأكدت 100% أنا لساني تعقد مقدرت نطق بحتا كلمة قالي صافي أنا لي غادي نصلح ليك الطونوبيل قتلييه وصوتي بزز باش خرج لا صافي ماشي مشكيل بلاش قالي عيد ميلاد سعيد واخا جات معطلة شوية قتلو إذن نتا مول داكشي كامل بدا كيفيرنس صافي مقدرتش نبقا واقفة معاه كتر كان عندي شلا ميتغال ولكن مبقيت قادة نقول حتى كلمة صافي زدت باش نمشي يحالي وقلت حتى نرتب أفكاري و نرجع نسولوا على كلشي و هو يشدني من يدي
<><>
الجزء 7
وهو يشدني فيدي قالي إيمان مغادي تسوليني على والو بقيت شحال ساكتة مهدرتش متخيلوووووووش شحال حشمة مقدرتش نشوف ليه فوجهو تشجعت وقتلو ماشي دابأ أنا دابا مقادراش نهدر بسلامة عليك ركبت وزدت بحالي غادي تقولو لي مالك مهدرتيش هداك الساع غادي نقول ليكم ميمكنش كان خاصني ضروري نجلس مع راسي و نفكر مزيان ونرتب أفكاري وكيفاش غادي نتفاعل مع هاد شي و باش ناخد قرارات صحيحة و فعلا دكشي لي درت مشيت حدا البحر فواحد البلاصة كاااااالم بقيت ساعتين ونص وأنا تما جالسة كنفكر لدرجة جبدت ورقة وستيلو باش منتلفش و سجلت فيها كاع أفكاري صافي دابا وضاحت الصورة وحطيت النقط على الحروف وريحت بالي دابا وليت مزيان أو وليت عارفة شنو غادي ندير رجعت للدار أول حاجة درت هي عاودت لماما كلشي ماما كتيق فقراراتي وقاتلي خليك أ إيمان قوية كيف كنعرفك ومضعفيش قدام أمور بحال هادو هادا أبنتي إيلا بغاك غادي يجي يدق باب داركم والله يدير ليك لي فيها الخير فعلا هدرا ديال ماما كتريحني بزاف هاد ليلة غير كل الليالي نعست مرتاااااااحة وحتى الفرحة كانت باينة عليا حيت عرفت شكون مول كاع هدوك المفاجآت فررت أني بعد 3 أيام غادي نمشي نتواجه معاه و نسولو على كلشي ففت صباح دخلت لافاك منين خرجت كنلقى الطونوبيل مكايناش وايليييي آش هاد العجب تسرقات زعمة هو يجي عندي واحد الولد سلام لالة إيمان عرفتوو هاد الولد هو نفس الشخص لي كان وصل ليا الورد هاديك النهار للافاك قتلو سلام بلا شك نتا مصيفطك كحل العفطة قالي كيفاش قتلو لا لا والو قالي مهيم راه هزينا الطونوبيل غادي تصاوب و غدا غادي تكون عندك وقالي مهيم هحنا حطينا ليك طونوبيل أخرى قضي بيها ليوم أو غدا على منرجعو ليك طونوبيل هاهما السوارت والله يخليك متسوليني على والو ونهارك مبروك أنا كيف ديما مصدومة و مستوهة خديت السوارت مشيت طلعت فالطونوبيل بغيت غي نعرف هاد كحل العفطة أشنو باغي شكون قاليه يصاوب ليا خرشاشتي واش شغلو وبديت كنهدر غي بحدي صافي سكت ورجعت بحالي وعاودت لماما كلشي هي براسها حارت مبقات تعرف شنو تقولي ماعلينا فقت الصباح ومشيت لافاك ساليت قرايتي وخرجت لقيت ساليت قرايتي جيت خارجة لقيت خرشاشتس الحبيبة كايينة مغسولة ومقادة وشحال من ضربة قديمة كانت فيها حتى هي مقادة لقيت نفس هداك الولد سلام لالة إيمان هاهي السيارة ديالك تفضلي وإيلا بانت ليك شي حاجة ماشي تلهيه قوليها نصيبوها قتلييه لا صافي مبفيت والو شكرا عطيتو السوارت ديال هديك الطونوبيل وطلعت فطونوبيلتي شوية كنسمع هداك الولد كيهدر بالتلفون ألو الشاف صافي الشاف كلشي هو هداك آه أشاف واخا الشاف كون هاني أشاف بسلامة أشاف لاواه لاواه زاد فيه هادا الشاف الشاف مالو على حالتو كاع هدشي بروتكول زدت فحالي مشيت للدار عاودت لماما عوتاني كلشي قاتلي إيمان ديري حد لهادشي أبنتي صافي داكشي لدرت على غد ليه مشيت باش نتواجه معاه وصلت للقهوة كان واقف على برة شافني جا لعندي هبطت الجاج قالي بونجور إيمان كنت متأكد غادي تجي ليوم قتلو آه جيت باش توضح ليا شحااااااال من حاجة قالي واخا غادي نبعدو شوية من هنا ونهدرو يالاه أنا غادي نزيد قدامك ونتي تبعيني قتلو واخا صافي زاد تبعتو عرفتو فين مشا؟ مشا حدا البحر لنفس البلاصة لي كنت مشيت ليها باش نفكر زدت تصدمت إذن هو تبعني وعرفني جيت هنا وصلنا نزلنا من الطونوبيل وتقابلنا هنا غادي يتبدلو أمور بزاف و غادي نتصدم شحال من صدمة مد يديه باش يسلم
<><>
الجزء 8
مد يديه باش يسلم مديت يدي حتا أنا سلام إيمان أنا إياد الله الله كحل العفطة سميتو إياد قتلو متشرفين قالي شنو باغى تعرفي قتلو بغيت نعرف كلشي شكون نتا وشنو باغي مني وكدرتي عرفتي عنواني وعرفتي فين كنقرى كدرتي عرفتي نهار عيد ميلادي منين جبتي هادشي وباش عرفتيني هداك النهار جايا باش درتي هداك الفيلم ديال الطونوبيل باش عرفتي هاد البلاصة عزيزة عليا باش عرفتي نوع الريحة لي كتعجبني باش عرفتي الشوكولا عزيزة عليا وباش و باش وباش بغيت نعرف كلشي أسي إياد قالي واخا كلشي غادي تعرفيه الصراحة وأنا واقفة كنهدر معاه تفكرت بيلا راه بو بنات وراه باينة من النوع الزايغ وراه مستحلليل غادي نتفاهم معاه ويعلم الله هادشي لي دار معايا منعرف مع شحال من وحدة دارها معاها قالي مهيم سمعيني قالي مهيم سمعيني تكيت على طونوبيل وتقابلت مع البحر وهو واقف بجنبي بدأ كيهدر إيمان أنا نهار شفتك تبدلات فيا شحال من حاجة عمري مشفت شي بنت كتحشم وتحط راسها عمري مشفت شي بنت شافتني ومغمزاتنيش ومدارتش بيا باش تعرفني بنت محترمة ولبسها أنيق ومحتاشم بنت كتمشي وحاطة راسها زيد على هدشي النور لي باين فوجهك أنا أ إيمان منكذبش عليك مخليت حتى نوع ديال البنات معرفتش و لكن نتي غير قتلو آه باينة أصلاً قالي عفاك متقاطعينيش قالي نهار اللول فاش شفتك عجبتيني نهار لاخر قررت نتبعك مخليت فين تبعتك و درت ناس تبعوك هاد المدة كاملة هادشي كامل باش نزيد نتأكد واش وجه إيمان زوين بحال أخلاقها وهادشي لي وقع من الدار لافاك وكدخلي بكري للدار هادشي فلول جاني غريييييب قلبي زاد كيتعلق بيك نهار على نهار أما عنوانك و اسمك و عيد ميلادك مكانش شي حاجة صعيبة باش نعرفها عرفتو بطريقتي أنا كنسمع ليه و قلبي غادي يسكت توحشتك وتوحشت نشوفك ونشوف بتسامتك قتلييه وشنو كتنتاضر مني دابا قالي بغيت نزيد نتقربو من بعضنا أنا مباغيش نخسرك هاد الكلام طاح عليا بحال الما بارد و تشجعت وقتلييه هادشي هو لي مغاديش يكون بسلامة هو بقا مصدوم بقا واقف مقدرش يتحرك غير زدت دموعي بدأوا كينزلو أنا غادي نشرح ليكم علاش قتلييه هكاك
<><>
الجزء 9
غاادي نشرح ليكم هكاك بنات راه عينو زايغة ومن نوع ديال السهرات و النوادي الليلية نوع ديال كل نهار معنق بنت نوع ديال حاس براسو بزاف وأنا ميمكنش نتفاهم مع نوع بحال هادا راه غي غادي نكذب على راسي أنا عمري بغيت ولا حبيبت ولكن هادا ولا قلبي كيضرب غير ليه قررت ندير حجرة على قلبي ونحيدو من بالي رجعت للدار هاد المرة معاودت والو لماما حيت أنا براسي تالفة ومبغيتش نتلفها بقيت 3 يام مكنخرجش حتال اليوم 4 صونا التلفون جاوبت قالي ألو إيمان معاك إياد قتلييه منين جبتي النمرة عوتاني قالي راه عندي من شحال هادي مبغيتش نبرزطك ولكن منين غبرتي قررت نعيط ليك ياكما مريضة قتلو لا ممرضاش غي بغيت نرتاح شوية قالي واخا تهلاي فراسك بسلامة قتلو شكرا بسلامة غير قطع بديت كنبكي وليت حزينة ولكن قررت أنو كيفما هو تبعني وراقبني حتى أنا غادي نتبعو ونراقبوا فقت الصباح بكري وخرجت خرجت الصباح عيطت على واحد الصديق باش نتبادل أنا وياه الطونوبيل مسكين مقالش لا هادشي باش ميعرفنيش إياد بيلا تابعاه مشيت بقيت قريبة من القهوة حتا بان ليا دخل وخرج مشيت بقيت تبعاه مشا لمحطة ديال التران بقا واقف حتى جات واحد خيتي نزل كيعنق ويبوس فيها هااااا لي قلنا مشاو لواحد الريسطو جلسوا تغداوا وكيضحكوا وكيكركروا آه وراه صورتو منين كان كيسلم عليها ف المحطة معلينا جاو خارجين عوتاني وصلها المحطة عنقها ومشات أنا كنشوف هادشي وكنزيد نحقد عليه شوية مشا لواحد الشركة دخل وخرج مشا عوتاني لواحد الريسطو دخل وخرج هادا مالو غي كيطير بوحدو شوية رجع القهوة غي وقف فيها هي تنزل واحد خايتي من الطونوبيل جات كتجري عندو كتعنقو و هو بحالة معجبوش الحال بقاوا واقفين كيهدروا وكيهزوا فيديهم شوية جراتو باش يركب معاها ومشا ركب معاها ومشاو حدا واحد البحر ونزلو هي كتعنق فيه وهو كيبعدها عليه وكيغوت عليها أنا مكنسمعش شنو كيقولو غي كنشوف كيفاش كيتحركوا شوية بدات كتبكي شفتو هاد النوع ديال إياد كيخليو البنات يتعلقوا فيهم و كيمشيو وكيبدلوهم بحال بطاطا معلينا هو زاد كينفر خدا طاكسي صغير ومشا هاد المرة متبعتوش هاد المرة بغيت نتبعها هيا صافي ركبات وزادت تبعتها دخلات لواحد الصالون كيداااااير غي بروشينغ شعر قصير ب 150 درهم دخلت حتى أنا واخا معرفت منيدير شعري ودايرة الحجاب قلت مهيم ندير مينيكير ب250 درهم سير أ إياد آش بغيت ليك رزيتيني ف 250 درهم على والو أ صافي جلست هي جبدات التلفون لي فهمت بيلا الصالون واقيلة ديالها ولا منعرف مهيم عيطات على شي صبحتها باش تشكي ليها وأنا طلقت ودني مزيان كون تعرفو آش سمعت
<><>
الجزء 10
سمعتها كتقوليها إياد خلاني أسارة صافي مبقاش بغاني وقالي هادي آخر مرة نعاود نشوفك قدامي ومنين سولتوا قالي لقيت لي كنت نقلب عليها وأنا كنبغيها أما أنا كنت غي نزوة فحياتو منكذبش عليكم فرحت وبديت كنفرنس هاديك لي كتصايب ليا ظفاري مفهمتةوالو قتليها هه كتهريني فصباع يديا ولكن شوية هي دير ليا طن فراسي راه يمكن كيهدر على قبل هاديك لي هزها من المحطة قبيلة صافي تما تصدمت و أنا نقول راني غي كنحلم لخرا مزال كتهدر فالتلفون كانت كتقول لصحابتها والله لا بقات فيه غي بلاتي صافي ساليت وخرجت وشدتيها طريق وحدة حتال دارنا وأنا غادة عند الولد باش نرد ليهه الطونبيل لقيت هداك لي خدام عند إياد واقف ورا طونوبيلتي بقيت كنموت بالضحك أكيد كان معول يتبعني ولكن قولبتو حيت منين مشيت عند الولد باش ناخد السوارت حطيت الطنبييل حدا باب العمارة وطلعت عند الولد لدارو باش نسلم على ماماه حيت كنعرفها وباش ناخد السوارت حيت كان عاد فاق مافيه مينزل منين خدت سوارت نزلت نيشان الكراج وهزيت الطونوبيل والخرجة ديال الكراج من لور ديال العمارة إذن مشفونيوش هادو لي كيتبعوني وحتا أناس الصديق ديالي منين بغا يخرج هز الطونوبيل ديال باباه إذن طونوبيلتي متحركاتش من بلاصتها وهدوك لي تابعيني عند بالهم أنا راه منين دخلت للعمارة مخرجت ههه ماعلينا جيت حطيت الطونوبيل ديال أناس حدا طونوبيلتي ونازلة كنضحك لاخر لي حاضيني تخبع وهو مصدوم جا أناس عطيتو الطونوبيل وشكرتو قالي غي شرحي ليا قتلييه حتال من بعد ونشرح ليك غي دخلت للدار بدأ تليفوني كيصوني إياد هو لي كيصوني إياد هو لي كان كيصوني هه بديت كنضحك جاوبت ألو قالي ألو درتيها بيا هاد المرة قتلييه بغيت نفهم علاش داير لي يتبعوني قالي صافي إيلا قلقاتك هاد القضية كنواعدك مغادي ندير حتى حد لي يتبعك غادي نبقى تابعك غي أنا قتلييه حتى نتا متبعنيش قالي لا سمحيلي هادي منقدرش نواعدك بيها سكت وهو يقول علاش درتي هادشي وعلاش تبادلتي بالطونوبيل قتلو حيت كنت بغيت نتأكد من شي حوايج وصافي تأكدت منهم قالي شناهم قتلييه شفتك وليتي كدخل فيا بزاف وأنا كنهدر معاه كنسمع شي وحدة كتعيط إياد إياد قالي سمحي ليا أنا شوية نعاود نعيطلك قتلو لا متعاودش تعيط وهاد النمرة غادي نحيدها إيمان الله يهديك إيما طيط طيط طيط قطعت عليه وطفيت التلفون هاي هاي على كحل العفطة مكيمركش كيهدر معايا وحداه صحباتو يخ من الرجال وميجي منهم صافي على غد ليه مشيت لافاك كنت بغيت نمشي نتغدا بغيت نتمشى شوية خليت الطونوبيل حدا لافاك ومشيت نتغدا على رجلي تغديت ومشيت بقيت كندور على رجلي تبعني واحد الواحد زين زين نجي ولا تجيني فراس ختي واحد الدقيقة عفاك أنا تعصبت وقفت نشوف طاكسي صغير نرجع بحالي وقف عليا قالي غي دقيقة عطيني غي نمرة مجاوبتش وزدت شدني فيدي حتا كيبان ليا كحل لعفطة دفعو قاليه محشمتيش و هو يضربو لاخر ناض وهرب قتلييه واش مغاديش تبعد مني فيننما مشيت تابعني يا تابعني نتا يا مصيفط الخدامة دياولك قالي لا مغديش نبعد عليك نموت إيلا بعدت عليك بقيت كنضحك قتلو باراكا من هدرة ديال الأفلام وزدت شدني من يدي قالي أجي فين غادا راه الطريق خاوية دابا يتلقى ليك شي حد أجي طلعي نوصلك أنا غادا ساكتة
ديال الأفلام وزدت شدني من يدي قالي أجي فين غادا راه الطريق خاوية دابا يتلقى ليك شي حد أجي طلعي نوصلك أنا غادا ساكتة ومكنجاوبش هو يقول طلعي بخاطرك ولا نطلعك بزز جا جرني من يدي و طلعني قتلييه آش هاد البسالة عنداك يسحاب ليك أنا بحال هادوك صحباتك لي كل مرة طالعة معاك وحدة فشكل بقا كيضحك زدنا مشينا قالي عاد فهمت فين كنتي البارح قالي تبعتيني قتلييه آه تبعتك باش نتأكد و باش منظلمكش منين نحكم عليك وجبدت التلفون وريتو التصاور هو يتعصب و سكت قتلييه وعرفلت بيلا كنتي على علاقة بهاديك خيتي وتخليتي عليها وشفت هاديك لي هزيتي من المحطة زاد تعصب قتلييه أنا راه عرفتك نتا أشمن نوع وراه أنا وياك مستحيل غادي نكونو بجوج غي هني راسك وحبس عليا هاد الأفلام ديال الرومانسية الخاوية قالي ساليتي قتلييه صافي سليتي وقلت لي عندي قالي دابا سمعيني مزيان يتبع
<><>
الجزء 11
قالي سمعيني مزيان هاديك آه فعلا كنت على علاقة بيها ولكن عمري واعدتها بشي حاجة هي عارفة وأنا عارف بيلا غي كندو زو الوقت إذن مدرت حتى شي ذنب فعلا أنا كنعرف بنات بزاف ولكن والله مكنتفلى على شي وحدة من الول كنقليلهم حنا غي غادي ندو زو الوقت ومكنواعدهم بوالو وهاديك لي شفتيني هزيتها من المحطة راهأ بنت عمي و مزوجة وجات عندي غي حيت عندنا واحد العمل مشترك أنا والله أ إيمان من نهار شفتك بدلت فيا شحال من حاجة وقلبت على كلشي و مبقيت كنسهر ومبقيت كنتلاقا بحتى وحدة تيقي بيا قتلييه شوف أ إياد أنا قلت كلمة ومغاديش نعاود نقولها أنا وياك مغاديش نكونو بجوج صافي سدات مدام لا نتا تصلاح ليا ولا أنا نصلاح ليك والله إيلا كنقول ليه بحال هاكة وقلبي كيتقطع من الداخل وحسيت براسي زدت فيه بزاف قالي واخا على خاطرك قتلييه صافي حطني هنا مبغيتش نعاود نشوف وجهك حطني جيت نازلة هو يقولي إيمان كنبغيك نزلت سديت الباب بجهد هو زاد بواحد السرعة جنونية خفت عليه غي نزلت بديت كنبكي مديو ش عليا راني حساسة بزاف ودموعي قراب معلينا مشيت لطونوبيلتي طلعت بديت كنبكيييييييي و كنقول إياد حتى أنا كنبغييييييييك ولكن منقدرش نستمر معاك راك غي غادي تعذبني صافي مشيت للدار كنت كنفكر نعيط ليه نعتذر منو ونقول ليه خلينا أصدقاء أحسن جبدت التلفون وبقيت مترددة وأنا نعيط ليه هزيت التلفون دوزت النمرة إن خط مخاطبكم غير مشغل حاليا المرجو إعادة النداء لاحقا بقيت كنصوني ليل كامل أو والو صافي هنا بديت كنحماق وكنحط افترضات يكما طرات ليه شي حاجة ياكما صافي مغاديش يعاود يسول ليل منعستوش غي فقت الصباح هزيت الطونوبيل طريق وحدة حتال القهوة دخلت للقهوة كنقلب بحال الحمقة مشيت عند السرباي قتلييه عفاك كاين الشاف ديالكم مشأ يعيط ليه منين جا الشاف ديالهم ماشي إياد قتلييهم لا أنا كنسول على سي إياد مول الشي قالي آه لا سي إياد راه غادي يكون سافر دابا لفرنسا غادي يستقر تما وأنا دابا وكلني باش نسير القهوة قتلييه قريب غادي يرجع ياك قالي لا منظمش صافي مشا بمرة حيت أصلا واليديه عايشين تما متخيلوش باش حسيت طاح ليا الطونسيون وصفاريت مشيت كنجري لطونوبيل وجلست كنبكي صافي أ إياد هادشي لي بغيتي صافي علقتيني فيك و مشيتي لمن خلتيني دابا يعلم الله وقتاش غادي نعاود نشوفك قلبي مشا معاك أ إياد ولكن أنا السبب نستاهل أنا لي معطيتكش فرصة ولكن كون كنتي كتبغيني بصح راك متخلاش عليا بقيت كنبكيييي وقلبي كيتقطع رجعت بحالي طريق كاملة كنبكي دخلت للدار حاولت منبين ليهم والو دخلت لبيتي بديت كنبكي جبدت التلفون
<><>
الجزء 12
جبدت التلفون بديت كنشوف هدوك التصاور لي كنت صورتهم ليه مع هدوك خياتي كنشوف فيهم وكنبكي مبقيت كناكل وليت حزينة وغي سادة عليا دازت شهر منين مشا قلت نمشي نسول فالقهوة حيت يقدر يكون كيعيط باش يسول على الخدمة يعطيوني غي نمرتو أنا نعيط ليه وفعلا مشيت وجيت داخلة القهوة مشيت عند السرباي السلام بلا شك عقلتي عليا قالي آه أختي إيوأ الباراكا فراسنا راه تكوينا كاملين مستوعبتش شنو قال قتلييه لا أنا غي بغيت نمرتو ديال فرانسا باش نعيطلو بقا كيشوف فيا قالي أختي راه سي إياد الله يرحمو بديت كنضحك قتلييه ها ضحك الباسل قتلييه كلم ليا الشاف ديالكم يعطيني نمرة حط راسو و مشا كلمو جا عندي أو وجهو صفر قتلييه الله يخليك النمرة ديال إياد ضروري قالي أختي راه سي إياد الله يرحمو راه دار كسيدة خيبة ففرنسا وتوفى راه جوج سيمانات هادي باش مات بديت كنضحك قتلييه ويلي الله ينجيه هادشي باش كتفايلو عليه قتلييه هو لي موصيكم ياك شوف غي عيطلو نتا وقوليه يعيط ليا ضروري ودرت و جيت غادة قالي آختي وبدأ كيبكي و السرباي كيبكي ختي سي إياد راه عطانا عمرو راه توفى ومبقى لينا غي ندعيو معاه بالرحمة بديت كنضحك و كنبكي قاليأ الله يصبرنا كاملين قتلييه لا ميمكنش لا ميمكنش هادشي يسالي هاكا هو غي مسافر وغادي يرجع قالي يا رييييييت أختي ولكن قدر الله ما شاء فعل الله يصبرك أختي دعي ليه بالرحمة بديت كنغوت وكنبكي وهما شدوني و كيرشو عليا الماء بديت كنتمرمد ليهم تما وكنبكي شي ساعتين و هما كسكتو فيا هداك الشاف قالي يالاه أختي نوصلك لداركم آري السوارت نتي متقدريش تسوقي فهاد الحالة مشيت ركبت تصدمت دموعي حبسو مكنهدرش حدي كنهدر كنوريه الطريق دمعة مبقات بغات تنزل وصلني قالي الله يصبرك عطاني سوارت ومشا طلعت الدار دخلت لبيتي جات ماما
<><>
الجزء 13
ماما جات عندي مخلوعة قاتلي مالك ا إيمان عنقتها كنبكي مات أ ماما مااااااات خلاني أماما شكون أبنتي إياد أماما إياااااااد مااات و خلاني بديت كنعاود ليها بالتفاصيل حيت كنت شحال معودت ليها بدات كتبكي و كتصبر فيا جابت ليا واحد المهدئ شربتو عاد جاني نعاس بديت كنحلم بيه جاي كيقولي كنبغيك و منساكش أ إيمان واخا نكون تحت التراب فقت كنغوت إياد إياد بديت كنبكي عوتاني مبقيت كناكل مبقيت كنقرى غي كنخرج ونمشي شي بلاصة ونبقا جالسة وكنبكي بديت كنتخيلو ديما مشيت للمقابر بطبيعة الحال هو متفنش هنا ولكن كنمشي وكنبقى نغوت عفااااكم كاع لي ميتين فهاد القبر سلمو ليا على إياد و قولولوا كنبغيه و راه توحشتو عفاكم سلمو عليه وجاوا الناس بقاوا كيصبروا فيا دازت شهر وليت حالتي حالة وليت مريضة مبقيت نهدر مع حتا حد ماما مسكينة كانت خايفة لندير فراسي شي حاجة وكون مكان خوفي من الله كنت غادي ندير فراسي شي حاجة خرجت كنتمشى وكنبكي طاح ليا الطونسيون وسخفت وطحت في الزنقة
<><>
الجزء 14 (ما قبل الأخير)
طحت فالزنقة معقلتش على راسي حليت عيني لقيت راسي فالطبيب لقيت إياد واقف على راسي حليت عيني وسديتهم عاودت حليتهم وسديتهم بديت كنبكي عند بالي عوتاني كنتخيلو ولكن لا مكنتخيلش هو آه هو بدأ كيبكي و كيقولي سمحي ليا وكيمسح ليا دموعي مقدرتش نشد راسي نضت كنعنق فيه وكنبكي وحتى هو كيبكي قتلييه علاش أ إياد درتي ليا هاكا علاش عذبتيني علاش قالي كنت مضطر نجربك باش نعرفك واش فعلا كتبغيني و باش حتى نتي تحسي بالحب تجاهي وتأكدي منو سمحي ليا أ إيمان صافي والله منعاود نخليك أنا معاك و غادي نبقى معاك كنبغيك البكايا ديالي كنبغيك أكحل العفطة يالاه أ حبيبة نوضي نوصلك الدار قبل ميتخلعو عليك أو وجدي راسك ماما و خواتاتي باغين يتلقاو بيك غدا صدمني قالي إيمان قابلة تزوجي بيا بديت كنبكي عوتاني آه آه آه قابلة ومشيت للدار غادي نتسطى بالفرحة داخلة كنزغرت بحال الحمقة ماما شافتني بدات كتبكي عند بالها حماقيت عنقتها قتلييها ماما إياد ماماتش ماماتش زادت كتبكي و تغوت الله ياربي الله بنتي مشات و أنا كنضحاك قتلييها والله أماما حتى كنهدر بصح حاولت نهدنها وشرحت ليها كلشي فرحات ولكن قاتليأ واخا فيه كان غادي يحمقك ليل كامل و أنا كنهدر معاه فاللفون نعست و فقت الصباح باش نتلاقى بماماه و خواتاتو خرجت من الدار
<><>
الجزء 15 والأخير
خرجت من الدار لقيت مول الورد كيتسنااني وكيضحاااااااك قالي مبروك عليكم قتلو الله يبارك فيك عيط ليا إياد قالي صباح الخير أمونتي وعطاني العنوان فين غادي نتلاقاهم مشيت تلاقيتهم فواحد القهوة 2 خواتاتو كيسلمو وكيعنقو فيا ماماه حتى هي قاتليأ أول حاجة غادي نقول ليك شكرا حيت بسبابك ولدي دار عقلو مهيم دوزنا نهار زوين خرجنا درنا و ضحكنا و تعرفنا و رتاحيت ليهم و رتاحو ليا حتى قربنا نتفارقو جا إياد و باباه لقاونا كنضحكو إياد عينيه غرغرو قالاينا بونسوار عائلتي الزوينة عرفني على باباه و قالي باباه بنتي علمي داركم إن شاء الله غدا غادي نجيو نجلسو معاكم شوية قتلو مرحبا أعمي صافي سلمت عليهم مشاو بقينا أنا و إياد بقينا كنهدرو شوية و نضت مشيت علمت الدار على غد ليه جاو عائلة ديال إياد داز نهار زوين كلشي ضاحك كلشي ناشط قررنا أنا من بعد شهر غادي نديرو خطبة و عقد الزواج و من بعد شهرين العرس صافي داز كلشي مزيان تزوجنا ودرنا عرس ولا في الأحلام سافرنا لفرنسا شهر العسل ومنين رجعنا مشينا درنا عمرة باش ربي ييسر لينا فحياتنا
النهاية
