قصة زوجوني راجل كبر مني

ماما أنا راه يلاه عندي 16 عام كيفاش باغين تزوجوني دابا و بيمن راجل عندو 40 عام وا زوينة هادي! الأم: أبنتي راه لي هرب من الزواج هرب من الطاعة و حنا معندناش أبنتي باش نصرفو عليك راك كتشوفي القضية مكحطة و باك ها العار ايتكافا غي مع خوتك. و لكن راني باقا صغيرة اماما و هو كبر مني و باغا نكمل قرايتي. حتباك كان كبر مني و لكن تفاهمنا مع الوقت. عفاك ابنتي غي قبلي الله ارضي عليك. دخل باها بعد ما سمع الحوار لي دار بيناتهم: أبنتي راك نتي متسخايش عليا و لكن راك عارفا الظروف. صافي بقاو عليها حتى وافقات. سميتها فرح عندها 16 عام بيضة و ملاميحها كحلين زوينة بزاف، عايشا وسط 4 د الخوت صغار، باها غي طالب معاشو و مها ربة بيت. و كيف ما شفتو الحوار بغاو ازوجوها براجل كبر منها و بقاو عليها حتى قبلات. المهم فرح وافقت و نهار الخطوبة لبسوها قفطان غزال و دارت مكياج خفيف جات فنة. وعيطات ليها مها تجيب الصينية دخلات و سلمات على مو و جوج خواتاتو و خالتو و مابانش ليها هاد العريس واخا هكاك كان عندها فضول تشوفو. جلسات و مت العريس كتشكر فيها، شوية حتى جا باها هو و العريس. ايوا دخل و فرح حادرا راسها سلم عليها و مقدراتش تشوف فيه، شوية و هزات عينيها كيبان ليها زوين و بعقلو و لكن مداتهاش فيه هي أصلا مباغاهش من اللول. ايوا تفاهمو على كلشي و قررو ايديرو العرس من بعد شهر. و قبل ما يخرج طلب من فرح النمرة، قالت ليه معنديش التلفون، دازت يوماين صيفط ليها واحد مع باها هي معجبهاش سلاو العرس.

<><>

الغد فاقت ملقاتوش حداها، قادات حالتها و هبطات لقات عائلتها و عائلتو و حتى هو بارك معاهم. ريحات و هو كيخنزر فيها قالت فخاطرها هادا مالو، شوية و هي طلع لبيتها بقات مريحة جاها الملل بزاف معندها فاش دوز الوقت. شعلات التلفزة و تخشات فناموسيتها، شوية و هو يدخل قال ليها بغيت نبدل حوايجي، وأنا مالي؟ خرجي حتى نلبس، أنا غنغمض عينيا مغنشوفش فيك. صافي دارت ايديها على وجها و هو بقا كيشوف فيها شي 2 دقايق و بدا كيلبس، ملي سالا قال ليها صافي، غي حيدات ايدها و عجبها جا زوين مي مبينات والو اصلا هي باغا طلق من بعد. المهم خرج و هي بقات شحال ساهية، شوية هبطات تعاون حماتها و هي لي وجدات العشا. ملي جا محسن حطو العشا و عجبو بزاف و قال لمو الله اعطيك الصحة الميمة، قالت ليه لا اولدي فرح لي طيباتو. سكت و بقا كيشوف فيها و قال ليها الله اعطيك الصحة، قالت لو بالصحة و صافي هو حبس الماكلة هي معرفاتش علاش و مشى نعس. شوية و غسلات الماعن ولحقات عليه، لحقات عليه و لقاتو متكي و شاد التلفون قالت ليه علاش مكملتيش الماكلة، غي شبعت، اوكي، شوفي بلاما تبقاي نت طيبي راه الواليدة قادا بشغالها واخا، واخا سمح ليا مبقيتش نطيب مزال. صافي و تكات حتى هي و ضرها راسها أش كيدير فداك التلفون! محسن أش كدير فداك التلفون؟ والو غي الفايسبوك علاش كتسولي، اممم عندك الفايس ايوا مزيان ايوا صافي نعسات و ديما هكاك كيجمعهوم غي نعاس.

<><>

حتال واحد النهار كان عرس بنت عمو: فرح وجدي راسك غدا عرس بنت عمي و خاصني نديك معايا! و حتال دابا عاد باش كتقولها راه خاصني تكشيطة جديدة، واخا يلاه وجدي راسك نخرجو و تقداي شنو خاصك واخا، و هبطات لقاتو كيتسناها فالطموبيل. ركبات لور هو جاتو فشكل علاش مركباتش حداه، صافي الطريق كلها و هو حاظيها فالمراية و ملي وصلو دخلو لواحد المحال فيه داك اللباس البلدي و هي ملي دخلت قيصات شي 10 تكاشط. قيصات شي 10 تكاشط و لكن اللخرة جاتها زوينة و عجباتها و حتى محسن عجباتو مي مبينش ليها و هي لابساها واحد خينا دخل للمحال هو يقول ليها: تبارك الله على الزين! و سمعو محسن سلخو مزيان و فرح غي كتشوف. صافي خداو التكشيطة و الطريق كاملة و هو معصب و قال ليها شفتك كان عاجبك الحال قبيلا داك خينا كيتبسل عليك و مقلتي والو، لا راه مديتهاش فيه اصلا وانت علاش بقا فيك الحال، هو سكت و هي عجبها الحال فالداخل ديالها. ايوا و نهار العرس ديال بنت عمو فرح لبسات التكشيطة و طلقات شعرها و دارت المكياج كتير صافي كملات و كتشوف راسها فالمراية، شوية دخل محسن تلفات ليه الهدورة: فرح فرح، أشنو مالك، والو واش صافي ساليتي يلاه بغيني نمشيو! اه ساليت (و حتى محسن كان لابس كوستيم فالكري جا فيه زوين بزاف) فرح: اه جيتي زوين.

<><>

محسن بدا قلبو كيضرب بحال الا اول مرة تهدر معاه شي بنت هكاك: شكرا حتى نت ايوا يلاه المهم مشاو و هاد المرة طلعات حداه و مو و خواتاتو لور. المهم ملي وصلو كان العرس غزال بزاف و محسن شد فرح من ايدها و قال لها خاصنا نمتلو راه حنا مزوجين بصح، هي حسات بايدو سخونة و حنينة و هو عجباتها مع رقيقة و رطيطبة. المهم ملي ريحو فالطبلة و عائلتو لي معمرهوم شافو مراتو شكروها بزاف و هما كيشوكرواها و هو كيزيد حبو ليها. المهم فرح مع صغيرة عجبها داك الشعبي و ناضت كتشطح و مع العرس فيه حتى الرجال محسن معجبوش الحال و ناض حداها و قال ليها أجي تبعيني بغيت نهدر معاك. صافي تبعاتو خرجو برا العرس و قال ليها: علاش كتشطحي و الرجال مخلطين بغيتي تحشمي بيا، ماشي سوقك نتا ماشي راجلي اصلا نت شارف عليا. معقلش على راسو حتى صرفقها و جرها داها للطموبيل رجعو للدار. صافي وصلو للدار و فرح دخلات للبيت و بدلات حوايجها و تخشات فالناموسية و بقات كتبكي شوية دخل محسن حيد عليها المانطة و عينيها كيبانو مغرغين قال ليها: شوفي نت زدتي فيه بزاف أنا غنخليك على راحتك مبقيتش غندور بساحتك غيبقا يجمعنا غي هاد البيت. صافي مجوباتوش و نعسات. المهم مبقاوش كيهدرو الا الى كانو قدام مو باش ايمتلو عليها.

<><>

صافي واحد المرة محسن تعطل بزاف بالليل مجا حتال 3:30 و فرح بقات كتدسنا فيه واخا هكاك تخلعات عليه. شوية سمعات الباب كيتتحل عرفاتو جا دارت براسها ناعسا و هو داخل و كيغني و فرحان بانت ليه ناعسة تلاح نعس حداها هي شمات فيه ريحة د البنات صافي بقا فيها الحال و مفهماتش علاش. الغد فاقت مقلقة و هو ناشط بزاف و مريحين فالطبلة كيتغداو و قال لمو عرفتي غدا عيد ميلاد ديالي و صحابي لي فالشركة قالو لي والو دير لينا عيد ميلاد المهم وجدي ليا شي عيد ميلاد واعر بغيت نشط شوية ههه. مو قالت ليه واخا اولدي. فرح جاتها فشكل محاشاهاش ليها مقالش ليها حتى واخا حتى نتي غا تكوني حاضرة مع عيد ميلاد فيه البنات و الولاد لي خدامين معاه. ايوا و الغد ايوا محسن فاق و جاب لمو داكشي لي خاصها على ود العيد ميلاد و مو عيطات على فرح باش تعاونها و ملي قرب الوقت ديال العيد ميلاد محسن قاد راسو مزيان و جا زوين بزاف و سمعو الصونيت محسن مشى حل لصحابو و فرح كطل من الكوزينة كيبان ليها الولاد و بزاف د البنات و دوك البنات كانو زوينات و مقادات مزيان و كيتسالمو مع محسن من الوجه و لكن واحد البنت لي بانت ليها بقات لاصقة فيه و هو وياها غادين و كيضحكو. المهم دخلو للصالون و الضحك و التكركير، فرح قالت لحماتها راها عيانة طلعت لبيتها و حزمات راسها بواحد الزيف حمر هه مع ملي كتعصب كيضرها راسها بقات كتبكي و هي معارفاش علاش!

<><>

شوية صحاب محسن قالو ليه راه خاص تكون معاك مراتك تشاركك هاد الفرحة و نيت نتعرفو عليها و هو خارج عيطات عليه مو: اويلي اولدي شفتي صحابك و نسيتي مراتك! فين هي بعدا؟ راه قالت ليا عيانة و طلعات ترتاح. صافي محسن طلع عندها لقاها كتبكي محسن: واش كتبكي؟ لا غي ضرني راسي و صافي، اوكي مغتهبطيش راه صحابي قالو لي فين هي مراتك، لا أنا عيانة، هبطي غي شوية و رجعي، واخا أنا نبدل و نهبط ايوا لبسات واحد الفراشة فالصفر و الدهبي و طلقات شعرها وهبطات محسن حل فمو فيها و لكن مبينش. لقاتو مريح حدا هاديك خيتي مخشية فيه، سلماتها و هي تقول ليه ديك خيتي: هادي هي مراتك؟ فرح: اه هي مالها معجباتكش؟ لا غزالو ههه فرح مشات ريحات بعيد بقات غي كتشوف و هو فرحان و كيضحك مع ديك خيتي كان سميتها جليلة. المهم طفاو الشمع و كلشي و بداو صحابو كيعطيوه لي كادو، فرح تقرصات حنتاش معطاتو والو، ديك خيتي عطاتو سنسلة و علقاتها ليه فعنقو قدام فرح، فرح مكرهاتش كون هي لي تعطيه كادو هكاك و لكن كانت الصدمة محسن قال ليهم موريتكمش الكادو لي جابت ليا مراتي و حبيبتي فرح و جبد واحد الگورميطة ديال النقرة منقوشة فيها سميت فرح و دارها فإيديه. فرح تصدمات بزاف و هو بقا كيشوف فيها و دار ليها واحد الغميزة معرفاتش أش كتعني. المهم سالا العيد ميلاد وكلشي مشا فرحان صافي فرح طلعات وبدلات حويجها شوية ولحق إليها محسن. فرح: علاش درتي هكاك؟ محسن: حنتاش مرضيتش قدام صحابي داكشي علاش قلت ناخد لراسي ونقول راه فرح لي جابتو ليا. فرح: اه مزيان المهم عيد ميلاد سعيد. محسن: شكرا أنا غنعس دابا حنتاش عيت بزاف. فرح: واخا و لكن بلاتي بغيت نسولك؟ محسن: اه سولي شكون ديك خيتي لي كنتي مريح حداها و عطاتك سنسلة؟ علاش كتسولي ياكما غرتي؟ شنو نغير هه! و علامن عليك؟ لا راه غي حنت بقات كتخنزر فيا و ملي شافاتني بدات كضحك واش معجباتهاش ولا شنو؟ محسن: لا كنتي زوينة متخافيش فرح عجبها الحال ملي قال ليها هكاك و نعسات و هي غطير بالفرحة. والغد و هما كيتغداو فرح ضراتها كرشها بزاف و جاها الوجع بزاف طلعت لبيتها و نعسات على كرشها و هي كتبكي بحال شي بنت صغيورة دخل محسن شافها هكاك تخلع عليها بزاف و قال ليها مالك فرح والو محسن كيفاش والو و هدري مالك ا فرح؟ فرح امم مريضة أش ضارك شي حاجة ديال البنات (محسن فهم و مشا و دار ليها الحليب بالزعتر و مشى جابليها الدوا حتا ولات مزيان فرح عجبها هاد الاهتمام ديالو) المهم داك النهار فرح ناعسا حداه و التلفون ديالو بدا كيصوني هو يجاوب محسن الو جليلة لباس؟ صافي عرفاتها جليلة هو ناض خرج لبالكون و بقا كيهدر هي ناضت بشوية كتصنت عليه هو يقول واخا أحبيبة ديالي غدا نشوفك فالقهوة و عطاها فين كبنا فرح رجعات لبلاصتها و مجاهاش النعاس ليل كامل.

<><>

و الغد محسن تقاد مزيان و خرج هي عرفاتو فين غادي و ملقات حتى حل من غير أنها تبعو و بالفعل قالت لمو راني غادا عند صحبتي و خرجات ومشات لديك القهوة حنتاش عقلات على العنوان ودخلات وكانت الصدمة مريح مع جليلة واحد الجلسة رومانسية مشات حتال حداه ودارت ليه الشوهة مع هي كطير هه دفلات عليه وقالت ليه سري أنا قابلة عليك أ الشارف وجاي كتلاقا مع هاد الصوبيصة جليلة ملي سمعات هكاك ناضت صرفقات فرح فرح خرجات كتبكي و ملي وصلات للدار شافتها مت محسن مقلقة قالت ليها مالك قال والو أخالتي واش نعاونك؟ اه ابنتي عفاك وجدي العشا راني عيت المهم فرح كتوجد فالعشا واخا كان قال ليها محسن متبقايش طيبي شوية و دخل محسن و كيعيط فرح فرح فرح خرجات من الكوزينة مالك أش كاين؟ جرها من ايديها و طلعها لبيت و سدو بالساروت فرح نت أش باغا علاش كتقلبي؟ مالي أش درت أه خصرت ليك الجلسة نت و حبيبة القلب؟ نت مباغانيش وزايداها تابعاني و ديرا ليا شوهة أنا راه بغيت نبني حياتي باغي ندير ولادي واش فهمتي اهاه واخا طلقني و ديرهم مع ديك جليلة ديالك واخا عندك سيمانة علاما وجدت الوراق والله اعونا و يعونك (فرح تصدمات عمرها مفكرات أنه يقدر اهدر معاها هاكا) فرح واخا ولكن قبل بغيت نسولك كتبغيها ياك سكت وهو يخرج وخبط الباب بجهد فرح بقات كتفكر فالهدرة لي قال ليها و داك النهار محسن كيدوش و مخلي التلفون ديالو فوق الكوافوز هزاتو و لكن كان فيه الكود معرفاتش شنو يقدر اكون داير فيه جربات سميت جليلة تاريخ عيد ميلادو أو والو شوية و هي تجرب سميتها فرح بدات كتقول مع راسها ناري داير سمييتني كيفاش؟ صافي دخلات لميساجات و قرات شنو كيقول هو و جليلة و كانت سولاتو واش كتبغيني وقال ليها لا كنبغي فرح و لكن هي مكتبغينيش داكشي علاش غنتفارق معاها و نت غنكمل معاك حياتي و نحاول نبغيك تصدمات بزاف دخلات تصاور لقات تصاور دياولها بزاف و حتى ديال جليلة شوية خرج محسن من الدوش و لقاها شادا التلفون خدا ليها التلفون و قال ليها معلموكش والديك متقيسيش الحاجة لي ماشي ديالك و لا نت باقا صغيرة خاص لي يربيك ياك فرح سمح ليا أنا أنا محسن شنو؟ أنا بديت كنجمع حوايجي و نهار تكمل الاجراءات ديال الطلاق قولها ليا محسن واخا هبطي تعشاي فرح لا ماقاداش فيا النعاس دابا اوكي فرح متكيا و كتفكر فمحسن بغات تحماق و بدات كتقول (اويلي ياكما وليتي كتبغيه لا فيقي افرح شفتيه حتى هو كيتعامل معاك على أساس راك صغيرة عليه) شوية دخل محسن و نعس حداها خلاتو حتى نعس و بقات كتلهعب ليه فشعرو و كتبكي عرفات راسها غتوحشو بزاف هو كان حاس بيها حنتاش كان باقي فايق و عينيه بداو كيدمعو بوحدهم فاقت فرح فالصباح وبقات كدور فالدار و فبيتها بخال الا كتوادع معاها المهم قرب اتسالا داك السبوع و المهم بقا يوم لطلاقهم محسن جمع مو و خواتاتو و حتى فرح وقال ليهم انا و فرح غنطلقو مو تصدمات وقالت ليه علاش اولدي؟ عاود ليها كلشي فرح طلعت كتجري لبيتها و بقات كتبكي كتبكي المهم ديك الليلة محسن تعطل بزاف و فرح بقات كتسناه اصلا ماجاهاش النعاس وملي جا دخل وهو كيتلاوح عرفاتو سكران وقال ليها صافي هاد شي لي بغيتي غدا غتهناي مني غدا غتاخدي حريتك من هاد الشارف من نهار عرفتك حياتي تقلبات حرام عليك وبقا كيبكي فرح حيدات ليه صباطو وتلاح نعس حداها وليل كامل وهي كتأمل فتفاصيل وجهو باش عمرها متنساه الغد جا محسن وجاب الوراق محسن فرح فرح أشنو أجي راه جبت الوراق باقي غي تسني (فرح تصدمات) وشدات الوراق باغا تسيني وكترعد محسن كيترجاها بشوفاتو باش متسنيش ولكن راسها قاسح وسنات واخا كاتبغيه المهم قالت ليه نطلبك واحد طليبة؟ قال ليها واخا عنقني؟ المهم تعانقو هزات حوايجها وخرجات وقال ليها فرح دارت الا ولدت بنت غنسميها على سميتك باش عمري نساك فرح خرجات غادا فالطريق وكتدبكي ومحسن ساد عليه بيتو وحتى هو كيبكي فرح وصلات لدارهم دخلات وقالت لمها ماما طلقت قالت ليها مها اويلي المسخوطة علاش فرح سدات عليها فبيتها ومجوباتش مها وبقات غي كتدبكي وعقلها مع محسن صونات ليه ببريفي غي باش تسمع صوتو ولكن مكيجاوبش محسن دخلات عندو مو وقال مي انا علاش معنديش الزهر مي كنبغيها وخلاتني احح مقادرش نتنفس غنحمآآآق وقالت ليه مو لا اولدي مديدرش فبالك وحتى جليلة غزالة السيمانة الجاية نمشي نخطبها ليك محسن واخا أمي غنحاول نساها المهم فرح ولات غي سادا عليها وكتفكرو وكتفكر شحال ضلماتو وهو كان معاها مزيان و كيبغيها دازت سيمانة وتوحشاتها بزاف ومشات حدى الشركة ديالو وبان ليها خارج هو وجليلة وقالت صافي دغيا نساني المهم دازت من حداه وشافها قلبو تقبط عليه بزاف وحتى هي وبقات غي كتشوف فيه المهم رجعات لدارهم وجات عندها مها وا عودي ليا أش درتي باش طلقتي فرح تعصبات وناضت كتهرس فأي حاجة قدامها بقات غي كتدبكي وغوتها سمعوه كاع الجيران صافي هدناتها مها غي بزز والضحكة مبقاتش كتخرج ليها وديما شادا تصويرتو وكتبوس فيها ولفاتو بغاتو ولكن هي باقا صغيرة كان خاصو افهمها المهم دازت 4 ايام وهي تعيط ليها واحد البنت خدامة مع محسن كانت كتعرفها المهم سولات فيها لباس لباس وهي تقول ليها مفخبار كش راه غدا محسن غادي اخطب جليلة فرح تصدمات وطلبات ديك البنت تعطيها عنوان دار جليلة والغد مشات فرح وبقات كدق فالباب بالجهد حلات ليها مت جليلة ودفعاتها ودخلات محسن شافها تصدم قال ليها أش كديري هنا؟ قالت ليه مغتزوج بحتى وحدة أخرى نت ديالي امحسن محسن وقف بقا كيشوف ليها فعينها قال ليها سيري فحاملك ا فرح قريات حداه وعنقاتو بجهد وقالت ليه فودنو والله حتى كنبغيك! جات جليلة ومع هي كبيرة على فرح ضرباتها ولاحتها فالارض قدام الناس فرح جمعات الوقفة ومشات المهم كملو الخطبة ولكن محسن بالو مع فرح وكلمة والله حتى كنبغيك كتعاود ليه فودنو المهم سلاو ومشاو للدار مو قالت ليه شفتي ديك الكلبة ديال فرح كانت ياغا تهرس ليك فرحتك محسن مكييعجبوش لي يعايرها طلع لبيتو وتفكرها ملي كانت كتنعس حداه خدا تصويرتها وحطها على قلبو وتفكر ملي جليلة ضرباتها بقا فيه الحال وقال أنا علاش مدافعتش عليها؟ المهم قرر اعيط ليها محسن الو فرح فرح اه فرح مبروك عليك محسن سمحي ليا معجبنيش الحال ملي ضرباتك جليلة اه اوكي واش نت لباس لا راه ديفعاتني بجهد وتهرست من ايدي بصح ياكما كضرك بزاف؟ اه كضرني وحتى قلبي كيضرني امحسن اه واخا الله اشفيك بسلامة دابا واخا بسلامة فرح بغات تحماق علاش ولا بارد معاها وكيتعامل معاها هكاك المهم داك النهار المهم قررات تمشي عندو للشركة وداكشي لي دارت مشات دخلات عندو للبيرو وكتلقاه هو وجليلة كيهدرو شافتها بغات تلاح عليها وبكن حبسها محسن وقال لجليلة خرجي بقا هو وفرح وهي جايا ديرا الكبص لايديها قال ليها كيف بقيتي؟ لباس محسن جيت نهدر معاك ولكن أنا دبا فالخدمة اه واخا ولكن الا مشيت والله ما نبقا نرجع مزال المهم تمات خارجة وهو يشدها من ايديها وقال ليها واخا هدري! المهم ا محسن أنا باقا صغيرة ومراهقتي عشتها معاك أنا كنبغيك والله غنحمأق وأنا باقا صغيرة ومكنتش عارفا مصلحتي صافي هادشي لي بغيت نقول ليك بسلامة وهي غادة وقال ليها حتى أنا دارت قالت ليه حتى انت شنو حتى أنا كنبغيك وولادي غنديرهم معاك اه واخا وعنقاتو وقالت ايوا عيط دابا على جليلة وقول ليها راك كاتبغيني المهم عيط ليها وقال انا مبغيتش نظلمك معايا كنبغييي فرح المهم رجعو كيبغيو بعضياتهم بزاف وقال ليها تزوجي بيا قالت ليه لا قال ليها و علاش قالت ليه حتى تجي تخطبني من دارنا هه المهم عاود خطبها ودارو العرس ومشاو دوزو شهر العسل دارو بزاف د المدن في المغرب وحملات ومع هي باقا صغيرة ولات غي كتبكي وهو كيصبر فيها وداك النهار شدها الوجع فالليل وهي تبدا تغوت مسكين ناض مخلوع داها لسببطار وهي كتدغوت الا مت نت سبابي هه حمقة هاد فرح او ولدات بنت غزالة سماوها مهى وولا محسن مسكين اربي فيهم بجوج خرجت راسها قاسح بحال مها هه ايوا نيت كيقولو الا شفتي جوج ملاقين عرفو الصبر على واحد. 

النهاية